宋熙年正式离开TVB 做足12年考虑退居幕后:想由零开始 - 港剧联盟

宋熙年正式离开TVB 做足12年考虑退居幕后:想由零开始

来源:人气:0更新:2019-11-18 14:06:01

  「咁多年喺同一间公司工作,(离开)系真系唔舍得慨!」2007年夺得《华裔小姐竞选》冠军的宋熙年(Sarah)于今年7月底约满,离开服务了12年的TVB,自己建立个人团队往外闯。她坦言突然间静下来回复「自由身」相当不习惯,但发现不但时间多了而且来得有弹性,生活反而过得比较充实。亦可以尝试一些在大台未曾做过的事情。

  宋熙年坦言离开公司初期相当不习惯,不过心态变得轻松了,更懂得享受时间。她简单形容一下自己没有工作的一天:「起身,照顾小朋友,同渠玩呀、喂渠食嘢呀,然后覆email、电话呀,然后出去做生活琐碎慨事,开会、借衫、去银行,甚至乎整头发、整指甲!最好就赶到返屋企凼仔仔食饭、冲凉、瞓觉,跟住做运动,再同助手倾吓有咩未做听日做,仲要吩咐工人姐姐听日要安排慨嘢,如果净返少少时间就睇吓电视、上吓网敷个mask!」(离巢后时间应该比以前来得充裕?)Sarah摇摇头,笑着回应道:「反而觉得啲时间好似唔够用咁!以前好清楚每一日有啲咩工作,例如呢日《东张》、呢日《明珠生活》外景、呢日做活动主持等等,依家我会安排做返多啲自己嘢,例如做多啲运动,做瑜伽、搵trainer咁样。然后又到家庭主妇慨工作,买咩菜、食咩餸、安排工人姐姐慨时间、同仔仔玩慨时间等等,真系比以前充实咗好多。」

  多年来在TVB合共主持接近30个节目,Sarah可谓是大台数一数二的一线主持之一。贵为华姐冠军,气质非凡大方得体,再加上自小于澳洲长大的她有一口流利英语,口才了得,但她却未受到TVB的重用,代表作只有《东张西望》以及明珠台的英文节目《 Dolce Vita》,未有机会主持TVB的大骚如台庆、颁奖礼等,有不少网民更为她感到可惜,Sarah坦言乐观面对:「呢行不断有好多嘢都achieve唔到!例如你做到影后慨时候,你又会想进军荷里活,目标会不断咁样更新先会有进步,一定有嘢系未achieve到慨。最紧要慢慢嚟,我觉得自己未必一定要有好实在慨目标,有啲人个目标可能系要攞视后,套剧慨收视要去到某个位、又或者今年要拍几多套剧。但我自己唔系话唔定目标畀自己,但唔会畀一个好『死』慨目标畀自己,例如谂吓上年自己有咩进步咗慨、尝试多咗、工作满意咗,我慨心灵上就已经达成咗目标,唔需要太完美,因为我觉得咁样太苦啦。」

  记者留意到Sarah拍照的时候一定会露齿笑,而且亦不断问摄影师「我望落去系唔系好恶?」,原来是因为曾被多次提醒看上去太恶太正经:「我啱啱入行慨时候好多经理人同公司慨前辈都同我讲话,我一紧张慨时候眼神就好锐利,或者系我唔识得点去放缓我自己慨眼神,再配合埋妆容等等,而我讲嘢又比较字正腔圆讲得好急,所以当我做嘢好投入慨时候,人哋就会觉得我好似好恶咁。」她笑言幸好自己本人性格随和,暂时未试过被同事误会:「就算有都可能唔会正面同我讲,我觉得我喺呢个圈慨人缘都ok慨,从来冇同人有咩正面冲突,哈哈!但系我老公都有同我讲过呢个问题,所以我都不断提醒自己要放松吓自己慨眼神、或者讲嘢讲慢少少。」

  身为皇牌MC,Sarah现时除了以司仪工作为主外,亦会集中火力经营自己和老公陈智燊(Jason)的YouTube频道。她表示离开公司后自由度较高,对于每个工作都有更多机会去参与更多、提供更多意见,亦希望能创新一些,做一些在TVB从来未尝试过的事情。 Sarah希望透过自己在幕前打滚多年的经验,与Jason齐齐「踩过界」做幕后:「我哋好想由零开始创作节目,我哋对制作好有热诚,始终做咗咁耐幕前,对某啲嘢多咗好多概念,想搞啲新颖啲慨嘢!希望拍完之后卖版权畀本地或者一啲海外电视台,例如新加坡、马来西亚等等!」

  Sarah自小在澳洲长大,而老公亦同样是「半个鬼仔」,会否比较向往外国生活而选择移民,她表示:「澳洲都系我另一个家,因为我爹哋妈咪都喺嗰边,但我依家都几习惯香港慨工作模式,如果突然返去澳洲就要适应另一个节奏,暂时未有移民慨谂法。不过反而我会谂希望可以一年去澳洲住一个月,又带吓小朋友返英国探嫲嫲,因为老公慨屋企人都喺嗰边。」至于将来会否让囝囝到外国升学,她表示希望尊重囝囝的想法:「如果我哋有能力,都希望可以支持到阿仔去外国读书,不过呢个就要交返畀佢自己拣,但都当然唔好太细个去啦,起码有少少独立能力先去啦。」她又表示,明白香港现时学生读书压力大,外国学业压力确实较轻:「我当年细个喺外国读书慨时候都真系几轻松,又冇乜功课做,但我都听依家好多喺外国慨家长都话,个小朋友啱啱书都已经比以前多咗好多嘢学,唔系净系香港系咁样。」

  现时经常在社交网站见到Sarah一家三口生活过得非常幸福,她笑言可以再增加一个家庭成员就更好:「一定会生多个!希望呢一两年,想生个女!因为有咗仔就会想生多个女!」对将来甚有盼望的她亦寄语10年后的自己:「唔好再咁紧张做嘢,希望同老公一样咁开心,老公一样咁锡我,阿仔仍然咁听话,同埋自己少啲皱纹、一样咁靓,哈哈!」

  本文由港剧网发布:mac://www.wotvb.com/

  看港剧,就上港剧联盟mac://www.wotvb.com/


最新资讯

RSS订阅  -  百度蜘蛛  -  谷歌地图  -  神马爬虫
免责声明:本网站只提供web页面展示服务,并不提供影片资源存储观看,也不参与录制、上传,若本站收录的节目无意侵犯了贵司版权,请给邮箱[email protected]来信,谢谢!
Copyright 2013-2020 www.wotvb.com Inc. All Rights Reserved.
网站合作联系邮箱:[email protected]

Copyright © 2008-2018